दसैंका बेला यात्रुहरूको सहज आवागमनलाई ध्यानमा राख्दै नारायणगढ-काठमाडौं सडकखण्डमा ट्रेलर लगायतका ठूला मालवाहक सवारीसाधन सञ्चालनमा रोक लगाइने भएको छ।
यातायात व्यवस्था विभागमा आज बसेको सरोकारवालाहरूको बैठकले घटस्थापनादेखि पूर्णिमासम्म अर्थात् २५ असोजदेखि ८ कात्तिकसम्म सो रुटमा ठूला मालवाहक सवारी चलाउन नदिने निर्णय गरेको हो।
दसैंको समयमा यात्रुवाहक सवारीको अत्यधिक चाप हुने भएकाले जाम र सम्भावित दुर्घटना न्यूनीकरण गर्न यस्तो व्यवस्था गरिएको विभागले जनाएको छ।
तर, खाद्य सामग्री, औषधि, फलफूल तथा अन्य अत्यावश्यक वस्तु ढुवानी गर्ने सवारीसाधन भने निर्वाध रूपमा गुड्न पाउने निर्णयमा उल्लेख छ।
